உலக அளவில் பல கோடி மக்களால் பயன்படுத்தப்படும் கூகுள் நிறுவனம் ஒவ்வொரு வருடமும் கூகுளில் அதிகம் தேடப்பட்ட ஆசிய நடிகர்களின் பட்டியலை வெளியிடும். அந்த வகையில் நடப்பாண்டிலும் அதிகம் தேடப்பட்ட 100 பிரபலங்களின் பட்டியலை கூகுள் வெளியிட்டுள்ள நிலையில், தமிழ் சினிமாவில் 5 நடிகர்கள் பட்டியலில் இடம்பெற்றுள்ளனர். அதன்படி நடிகர்கள் விஜய், அஜித், ரஜினிகாந்த், சூர்யா மற்றும் தனுஷ் ஆகியோர் இடம் பெற்றுள்ளனர். இந்நிலையில் அதிகம் தேடப்பட்டவர்கள் லிஸ்டில் நடிகர் விஜய்க்கு 15-வது இடம் கிடைத்துள்ளது.
இதேப்போன்று கடந்த வருடம் அதிகம் தேடப்பட்டவர்கள் லிஸ்டில் நடிகர் விஜயின் பெயர் 19-வது இடத்தில் இருந்தது. இதனையடுத்து நடிகர் சூர்யா 45-வது இடத்திலும், நடிகர் தனுஷ் 46-வது இடத்திலும், நடிகர் ரஜினிகாந்த் 68-வது இடத்திலும், நடிகர் அஜித் 78-வது இடத்திலும் இருக்கிறார்கள். மேலும் நடிகர் விஜய் நடிப்பில் வெளியான பீஸ்ட் மற்றும் தற்போது தெலுங்கில் நேரடி ரிலீஸ் ஆகும் வாரிசு போன்ற திரைப்படங்களால் விஜயின் பெயர் அதிக அளவில் தேடப்பட்டு இருக்கலாம் என்று கூறப்படுகிறது.