தமிழகம் மற்றும் அதனை ஒட்டிய பகுதிகளில் வடகிழக்கு பருவமழை இன்று முதல் துவங்கக்கூடும் என சென்னை வானிலை ஆய்வு மையம் தெரிவித்துள்ளது. தமிழக கடலோர பகுதிகளின் மேல் வளிமண்டல கீழடுக்கு சுழற்சி நிலவுவதால், தமிழ்நாடு, புதுச்சேரி மற்றும் காரைக்கால் பகுதிகளில் அநேக இடங்களில் இன்ற இடி மின்னலுடன் கூடிய லேசானது முதல் மிதமான மழை பெய்ய வாய்ப்புள்ளது.
நவ.1,3 ஆகிய தேதிகளில் வட தமிழ்நாட்டில் மிக கனமழை பெய்யக்கூடும் என்பதால் “ஆரஞ்சு அலர்ட்” விடுக்கப்பட்டுள்ளது. அடுத்த 24 மணி நேரத்தில், தமிழகத்தில் வடகிழக்கு பருவமழை தொடங்கும். இதன்காரணமாக இன்றும், நாளையும் பல்வேறு மாவட்டங்களில் கனமழை பெய்யும். நவம்பர் 1ஆம் தேதியில் இருந்து மழையின் தீவிரம் அதிகரித்து, வட தமிழ்நாட்டில் மிக கனமழை பெய்யும் என்பதால் இந்திய வானிலை மையம் ஆரஞ்சு அலர்ட் விடுத்துள்ளது.