10ம் வகுப்பு பொதுத்தேர்வில் தூத்துக்குடி மாவட்டத்தை சேர்ந்த மாணவர் ஒருவர் மட்டுமே தமிழில் 100/100 மதிப்பெண் பெற்று சாதனை படைத்துள்ளார். 10-ம் வகுப்பு பாடப்பிரிவில், தமிழ் பாடத்தில் ஒருவரும், ஆங்கிலத்தில் 45 பேரும் கணிதத்தில்2186 பேரும், அறிவியலில் 3841 பேரும், சமூக அறிவியலில் 1009 பேரும் 100 % மதிப்பெண்கள் பெற்று சாதனைப் படைத்துள்ளனர்.
அதேபோல 12ம் வகுப்பு பாடப்பிரிவில், கணிதத்தில் 1858 பேரும், வேதியியல் பாடத்தில் 1500 பேரும், இயற்பியல் பாடப் பிரிவில் 634 பேரும் தாவரவியல் பாடத்தில் 47 பேரும் விலங்கியல் பாடபிரிவில் 22 பேரும் உயிரியல் பாடத்தில் 1541 பேரும் வணிகவியல் பாடத்தில் 4634 பேரும் கணினி அறிவியல் பாடத்தில் 3827 பேரும் கணக்குப் பதிவியலில் 4549 பேரும் 100 % மதிப்பெண்கள் பெற்று சாதனைப் படைத்துள்ளனர். பொதுதேர்வில் பங்கேற்காத மாணவர்களில் 12ம் வகுப்பிற்கு ஜூலை 25-ம் தேதி முதல் உடனடி தேர்வும், 10ம் வகுப்பிற்கு ஆகஸ்ட் 2ம் தேதி முதல் உடனடி தேர்வும் நடத்தப்படும் என்றும் தெரிவிக்கப்பட்டுள்ளது.