4 பவுன் நகைக்காக…. ”பஞ். தலைவர் மனைவிக்கு நேர்ந்த கொடூரம்”… டிஐஜி, எஸ்பி நேரில் ஆய்வு…!!

வேலூர் மாவட்டம் காட்பாடி அடுத்த சென்னாரெட்டியூர் கிராமத்தைச் சேர்ந்த முன்னாள் ஊராட்சித் தலைவர் கண்ணையாவின் மனைவி சரோஜா அம்மாள் (70), கடந்த சில மாதங்களாக நோய்வாய்ப்பட்டு இருந்துள்ளார்.

இவர் கடந்த ஜனவரி 17ஆம் தேதி இரவு வீட்டில் தனியாக இருந்துள்ளார். இதை நோட்டம் விட்ட அடையாளம் தெரியாத நபர்கள், வீட்டின் மதில் சுவர் மீது ஏறி குதித்து சரோஜா அம்மாள் தலையில் பலமாக தாக்கியது மட்டுமின்றி, அவர் அணிந்திருந்த 4 சவரன் தங்க நகைகளை கொள்ளையடித்து கொண்டு தப்பிச் சென்றுள்ளனர். இதில் பலத்த காயம் அடைந்த சரோஜா அம்மாள் சம்பவ இடத்திலேயே பரிதாபமாக உயிரிழந்தார்.

இந்தத் தகவலறிந்து சம்பவ இடத்திற்கு விரைந்த வந்த வேலூர் சரக தலைமை ஆய்வாளர் காமினி, வேலூர் மாவட்ட காவல் கண்காணிப்பாளர் பிரவேஷ் குமார் ஆகியோர் நேரில் ஆய்வு செய்து விசாரணை மேற்கொண்டனர்.

மேலும், மோப்ப நாய் வரவழைத்து கொலைக் குற்றவாளிகளை தேடும் பணிகள் தீவிரமாக நடைபெற்றது. குறிப்பாக வேலூர் மாட்டத்தில் கடந்த ஆறு நாட்களில் நடைபெறும் 3ஆவது கொலை என்பதால் பொது மக்கள் மிகுந்த அச்சத்தில் உள்ளனர்.