கல்பனா சாவ்லா விருதுக்கு தகுதியானவர்கள் விண்ணப்பிக்கலாம் என்று தமிழக அரசு தெரிவித்துள்ளது.
தமிழகத்தில் உள்ள பெண்களுக்கு கல்பனா சாவ்லா விருது வழங்கப்படும். இதற்கு தகுதியானவர்கள் தேர்ந்தெடுக்கப்பட்டு கல்பனா சாவ்லா விருதுடன் சேர்த்து 5 லட்சத்துக்கான காசோலையை வழங்கப்படும் என தமிழக அரசு தெரிவித்துள்ளது. ஒவ்வொரு ஆண்டும் சுதந்திர தின விழாவின்போது மாண்புமிகு தமிழக முதலமைச்சர் அவர்களால் இந்த கல்பனா சாவ்லா விருது வழங்கப்படும். தமிழகத்தைச் சேர்ந்த துணிச்சலான மற்றும் வீர சாகச பெண்கள் மட்டுமே இந்த விருதினை பெற தகுதியானவர்கள் ஆவார்கள்.
இதற்கு தகுதியானவர்கள் விண்ணப்பங்கள், விரிவான தன்விவரக் குறிப்பு , உரிய விவரங்கள் மற்றும் அதற்குரிய ஆவணங்களுடன் , சம்பந்தப்பட்ட மாவட்ட ஆட்சித் தலைவர் மூலமாகவோ அல்லது htss://awards.tn.gov.in என்ற இணைய தளம் மூலமாகவோ அரசுச் செயலாளர் , பொதுத் துறை , தலைமைச் செயலகம் , சென்னை -600 009 அவர்களுக்கு 30.06.2021 – க்கு முன்பாக அனுப்பி வைக்கப்பட வேண்டும்.