விஜயின் 66 படத்திற்காக இயக்குனர்கள் போட்டி போட்டு வருகின்றனர்.
மாஸ்டர் படத்தை அடுத்து விஜய் நடிக்கும் 65ஆவது படத்தை நெல்சன் இயக்குகிறார். இந்த படத்தின் முதற்கட்ட பணிகள் தீவிரமாக நடைபெற்று வருகிறது. இந்நிலையில் விஜய் அடுத்து நடிக்கும் 66 வது படத்தை யார் இயக்கப்போவது என்ற கேள்விகள் எழுந்து வருகின்றது. இவரின் 66வது படத்தை லோகேஷ் கனகராஜ் இயக்க இருப்பதாக செய்திகள் வெளிவருகிறது. இதற்கிடையில் விஜயின் 66 வது படத்தை இயக்கும் வாய்ப்பை பெற்று விட வேண்டும் என்று அட்டிலி, எச்.வினோத், அஜய் ஞானமுத்து உள்ளிட்ட சில இயக்குனர்கள் முயற்சி செய்து வருகின்றனர்.
இவர்கள் யாருக்கு அடுத்த வாய்ப்பு கிடைக்கும் என எதிர்பார்ப்பு நிலவி வருகிறது. லோகேஷ் கனகராஜ் தொடர்ந்து நெல்சன் திலீப்குமாருக்கு கால்சீட் கொடுத்ததை அடுத்து தற்போது ஓரிரு ஹிட் படங்களை கொடுத்த அனைத்து இளவட்ட இயக்குனர்களின் கவனமும் விஜய் பக்கம் திரும்பியிருக்கிறது. அதேசமயம் விஜய் ஒரு படத்தை முழுமையாக முடித்த பின்னர்தான் அடுத்த அறிவிப்பை வெளியிடுவார். அந்த வகையில் இவரின் 66வது படம் பற்றிய அறிவிப்பு தற்போது இல்லை என்பது உறுதியாகி உள்ளது.