இயக்குனர் விஜய் படத்தில் நான்கு பிரபல ஹீரோயின்கள் நடித்திருப்பதாக தகவல் வெளியாகி உள்ளது.
தமிழ் திரையுலகில் முன்னணி இயக்குனராக வலம் வரும் விஜய் இயக்கத்தில் கடைசியாக உருவாகியுள்ள திரைப்படம் ‘தலைவி’. இத்திரைப்படம் கடந்த ஏப்ரல் மாதம் வெளியாக இருந்த நிலையில் கொரோனா தொற்றின் காரணமாக இப்படத்தின் ரிலீஸ் தேதி ஒத்தி வைக்கப்பட்டுள்ளது.
இந்நிலையில் இயக்குனர் விஜய் இயக்கத்தில் உருவான மற்றொரு திரைப்படத்தின் தகவல் வெளியாகி உள்ளது. அதன்படி தமிழ் மற்றும் தெலுங்கு ஆகிய மொழிகளில் உருவாகவுள்ள இப்படத்தை அவர் ஓடிடியில் வெளியிட திட்டமிட்டுள்ளார். குறிப்பாக இந்த படம் நாயகிகளுக்கு முக்கியத்துவம் வாய்ந்த கதையம்சம் கொண்டதாக இருப்பதால் இத்திரைப்படத்தில் 4 ஹீரோயின்கள் நடித்துள்ளனர்.
அந்த வகையில் தமிழ் சினிமாவில் பிரபல நடிகைகளாக வலம் வரும் நிவேதா பெத்துராஜ், மஞ்சிமா மோகன், மேகா ஆகாஷ் மற்றும் ரெபா மோனிகா ஆகியோர் இப்படத்தில் இருக்கின்றனர். இத்திரைப்படம் ஒரு குறுகிய கால தயாரிப்பு என்பதால் தலைவி திரைப்படம் ரிலீஸ் ஆவதற்கு முன்பே இத்திரைப்படம் ஓடிடியில் வெளியாக வாய்ப்பு இருப்பதாக கூறப்படுகிறது.