பிரான்ஸ் ரயில் நிலையத்தில் போலீசாரை கத்தியால் தாக்க முயன்ற மர்ம நபரால் பரபரப்பு ஏற்பட்டுள்ளது.
பிரான்ஸ் தலைநகர் பாரிஸில் எந்தநேரமும் பரபரப்பாக காணப்படும் Saint-Lazare ரயில் நிலையத்திற்குள் முகக்கவசம் அணியாமல் வந்த நபரை அதிகாரிகள் தடுத்து நிறுத்தியுள்ளனர். ஆனால், அந்த நபர் அதிகாரிகளுக்கு இணங்க மறுத்துள்ளார்.
இதனையடுத்து, திடீரென அந்த நபர் மறைத்து வைத்திருந்த கத்தியை வெளியே எடுத்து அதிகாரிகளை தாக்க முயன்றதோடு, ‘அல்லா ஹு அக்பர்’ பிரான்ஸ் இஸ்லாமிய அரசால் ஆளப்படுகிறது என ரயில் நிலையத்தில் கத்தியுள்ளார்.
இந்த நிலையில், உடனடியாக அங்குள்ள அதிகாரிகள் துப்பாக்கியை எடுத்து அந்த நபரின் மார்பில் சுட்டு சாய்த்துள்ளனர். இதன் பிறகு, காயமடைந்த நபரை போலீசார் மருத்துவமனைக்கு கொண்டு சென்று சிகிச்சைக்காக அனுமதித்தனர். தற்போது, அந்த நபர் உயிருக்கு ஆபத்தான நிலையில் இருப்பதாக முதற்கட்ட தகவல்கள் வெளியாகியுள்ளது.