பிரெஞ்சு ஓபன் பேட்மிண்டன் போட்டியில் ஆண்கள் ஒற்றையர் ஆட்டத்தில் இந்திய வீரர் லட்சயா சென் அடுத்த சுற்றுக்கு முன்னேறி உள்ளார்.
பிரெஞ்ச் ஓபன் பேட்மின்டண் போட்டி பாரீஸ் நகரில் நடைபெற்று வருகிறது. இதில் ஆண்களுக்கான ஒற்றையர் பிரிவு ஆட்டத்தில் இந்திய வீரர் லட்சயா சென் ,அயர்லாந்தை சேர்ந்த ஹாத் குயெனை எதிர்த்து மோதினார். இதில் 21-10, 21-16 என்ற செட் கணக்கில் வெற்றி பெற்ற லட்சயா சென் அடுத்த சுற்றுக்கு முன்னேறியுள்ளார்.
இப்போட்டி சுமார் 45 நிமிடங்கள் வரை நீடித்தது .இதையடுத்து மற்றொரு போட்டியில் இந்திய வீரர் சவுரப் வர்மா பிரேசில் நாட்டை சேர்ந்த கோர் கோயெல்லோ என்பவரை எதிர்கொண்டார். இதில் 22-20, 21-19 என்ற செட் கணக்கில் வெற்றி பெற்ற சவுரப் வர்மா அடுத்த சுற்றுக்கு முன்னேறியுள்ளார்.