பிரெஞ்ச் ஓபன் டென்னிஸ் போட்டி வருகின்ற 30ஆம் தேதியன்று , பாரிஸ் நகரில் நடைபெற உள்ளது.
பாரிஸில் நடைபெறும் ‘கிராண்ட்ஸ்லாம்’ அந்தஸ்தைப் பெற்ற களிமண் தரையில் நடைபெறும், இந்த டென்னிஸ் போட்டி வருகின்ற 30 ஆம் தேதி தொடங்க உள்ளது. இந்நிலையில் இந்த போட்டியில் கடந்த 2015ஆம் ஆண்டு சாம்பியனான சுவிட்சர்லாந்தை சேர்ந்த ஸ்டான் வாவ்ரிங்கா நேற்று விலகி உள்ளார் .
இவர் கடந்த மார்ச் மாதத்தில் இடது காலில் ஏற்பட்ட காயத்தினால் அறுவை சிகிச்சை செய்து இருந்தார். இதிலிருந்து இன்னும் முழுமையாக குணம் அடையாததால் அவர் இந்தப் போட்டியில் இருந்து விலகுவதாக அறிவித்தார் . இந்தப் போட்டியிலிருந்து விலகினாலும், விம்பிள்டனுக்கு முன்பாக நடக்கும் புல்தரை டென்னிஸ் போட்டிகளில் பங்கு பெற திட்டமிட்டுள்ளார்.