பிப்ரவரி-12 முதல் ஸ்டாலின் மூன்றாம் கட்ட பிரச்சாரத்தை தொடங்க இருப்பதாக தகவல் வெளியாகியுள்ளது.
தமிழக சட்டப்பேரவை தேர்தல் நடக்க இன்னும் சில மாதங்களே உள்ளன. இந்நிலையில் அரசியல் கட்சிகள் தங்களுடைய தேர்தல் பிரச்சாரத்தை தீவிரமாக தொடங்கியுள்ளனர். இதனால் தேர்தல் களம் சூடு பிடித்துள்ளது. மேலும் கருணாநிதி, ஜெயலலிதா போன்ற ஆளுமை தலைவர்கள் இல்லாமல் நடக்கும் முதல் சட்டமன்ற தேர்தல் என்பதால் பெரும் எதிர்பார்ப்பு உள்ளது. இதையடுத்து திமுக தலைவர் மு.க ஸ்டாலின் சமீபத்தில் தூத்துக்குடி, திருநெல்வேலியில் உள்ளிட்ட மாவட்டங்களில் தேர்தல் பிரச்சாரம் மேற்கொண்டார்.
மேலும் பிப்ரவரி 12ஆம் தேதி முதல் “உங்கள் தொகுதியில் ஸ்டாலின்” என்ற தலைப்பில் மூன்றாம் கட்ட சுற்றுப்பயணத்தை திமுக தலைவர் மு.க ஸ்டாலின் தொடங்குகிறார். கள்ளக்குறிச்சி, கடலூர், நாகை, திருவாரூர், புதுக்கோட்டை, அரியலூர் பகுதிகளில் பிப்ரவரி 15ஆம் தேதி வரை ஸ்டாலின் பிரச்சாரம் செய்கிறார்.