மெரினா கடற்கரை சாலையில் இருக்கும் உயரமான மின்கம்பத்தில் மோதி வாலிபர் எளிய சம்பவம் பரபரப்பை ஏற்படுத்தியுள்ளது.
சென்னை மாவட்டத்தில் உள்ள மெரினா கடற்கரை சாலையில் இருக்கும் மின்கம்பத்தில் மாலை 6 மணி அளவில் ஒரு வாலிபர் ஏறியுள்ளார். இதனையடுத்து அந்த வாலிபர் மின் கம்பத்தின் உச்சிக்கு சென்று நீண்ட நேரமாக நின்றுள்ளார். இதனை பார்த்து அதிர்ச்சி அடைந்த பொதுமக்கள் உடனடியாக காவல்துறையினருக்கு தகவல் தெரிவித்துள்ளனர். அந்த தகவலின் படி சம்பவ இடத்திற்கு விரைந்து சென்ற காவல்துறையினர் அந்த வாலிபரை கீழே இறங்குமாறு கூறியுள்ளனர். ஆனால் அந்த வாலிபர் காவல்துறையினரின் வார்த்தைகளுக்கு செவி சாய்க்காததால் உடனடியாக தீயணைப்பு துறையினருக்கு தகவல் தெரிவித்துள்ளனர்.
அந்த தகவலின் படி சம்பவ இடத்திற்கு விரைந்து சென்ற தீயணைப்பு துறை வீரர்கள் ஸ்கை லிப்ட் வாகனம் மூலம் அந்த வாலிபரை பத்திரமாக மீட்டு சுமார் 2 மணி நேர போராட்டத்திற்கு பிறகு காவல்துறையினரிடம் ஒப்படைத்துள்ளனர். இதனையடுத்து காவல்துறையினர் நடத்திய விசாரணையில் கஞ்சா போதையில் அந்த வாலிபர் மின்கம்பத்தின் மீது ஏறியது தெரியவந்துள்ளது. ஆனால் அந்த வாலிபரின் விவரங்கள் தெரியவில்லை. இதனையடுத்து காவல்துறையினர் அந்த வாலிபரை ராஜீவ்காந்தி அரசு மருத்துவமனையில் சிகிச்சைக்காக அனுமதித்துள்ளனர்.