கவின் நடிக்கும் புதிய படத்தின் பர்ஸ்ட் லுக் போஸ்டர் இன்று ரிலீசாக உள்ளது.
விஜய் டிவியின் பிரபல சீரியல் நடிகராகவும், தொகுப்பாளராகவும் ரசிகர்கள் மத்தியில் பிரபலமானவர் கவின்.விஜய் டிவியில் ஒளிபரப்பான ”பிக்பாஸ் சீசன் 3” இல் கலந்து கொண்டதன் மூலம் ரசிகர்கள் மனதில் நீங்கா இடம் பிடித்தார். இதனையடுத்து, இவர் நட்புன்னா என்னன்னு தெரியுமா, சத்ரியன் போன்ற படங்களில் நடித்திருந்தார். மேலும், இவர் நடிப்பில் ”லிப்ட்” திரைப்படம் OTT யில் ரிலீசாகி ரசிகர்கள் மத்தியில் நல்ல வரவேற்பை பெற்றது.
தற்போது ஊர் குருவி படத்தில் இவர் ஹீரோவாக நடித்து வருகிறார். இந்நிலையில், இவர் புதிதாக இயக்குனர் கணேஷ் பாபு தயாரிக்கும் படத்தில் ஹீரோவாக நடிக்கிறார். இந்த படத்தில் கதாநாயகியாக அபர்ணா தாஸ் நடிக்கிறார். இந்த படத்தின் ஃபர்ஸ்ட் லுக் போஸ்டர் இன்று வெளியாகும் என அறிவிக்கப்பட்டுள்ளது.