மம்முட்டியின் தளபதி பட நட்பின் ட்டுவிட்டால் நெகிழ்ந்த ரசிகர்கள் அவரை புகழ்ந்து வருகின்றனர்.
நடிகர் ரஜினிகாந்த் ரத்த அழுத்தம் காரணமாக ஹைதராபாத் அப்பல்லோ மருத்துவமனையில் சிகிச்சைக்காக அனுமதிக்கப்பட்டுள்ளார். இந்நிலையில் அவருடைய உடல்நிலை சீராக இருப்பதாகவும் ரத்த அழுத்தம் காரணமாக கொஞ்ச நாட்களில் ஓய்வில் இருக்க வேண்டும் என்றும் மருத்துவமனை நிர்வாகம் தெரிவித்துள்ளது. மேலும் ரஜினியை சந்திக்க யாரும் வரவேண்டாம் என்றும் கூறியுள்ளது. இந்நிலையில் பல அரசியல் தலைவர்களும், சினிமா பிரபலங்களும் ரஜினியின் நலம் குறித்து டுவிட் செய்து வருகின்றனர்.
மேலும் இணையத்தில் ரஜினிகாந்த் ஹாஷ்டேக் ட்ரெண்டாகி வருகிறது. இந்நிலையில் ரஜினிகாந்த் விரைவில் நலம் பெற்று வர வேண்டுமென்று மலையாள நடிகர் சூப்பர் ஸ்டார் மம்முட்டி ட்வீட் செய்தார். அதில் “விரைவில் குணமடைந்து வா சூர்யா. அன்புடன் தேவா” என்று பதிவிட்டிருந்தார். இதனால் நெகிழ்ந்த ரசிகர்கள் மம்முட்டியை பாராட்டி வருகின்றனர். தளபதி பட நட்பை நினைவூட்டி நலம் விசாரித்த விதம் ஏற்பதாக ரஜினி ரசிகர்கள் அல்லாதவர்களும் புகழ்ந்து வருகின்றனர். மேலும் Megastar டிவிட்டர் டிரெண்டிங்கில் முன்னிலையில் உள்ளது.