கனமழையின் காரணமாக முறிந்து விழுந்த ராட்சத மரத்தை நெடுஞ்சாலைதுறையினர் வெட்டி அப்புறப்படுத்தியுள்ளனர்.
கோயம்புத்தூர் மாவட்டத்திலுள்ள வால்பாறை மற்றும் அதனை சுற்றியுள்ள பகுதிகளில் கடந்த சில நாட்களாக கனமழை பெய்து வருகிறது. இதனால் அனைத்து ஆறுகளிலும் தண்ணீர் பெருக்கெடுத்து ஓடுகிறது. இந்நிலையில் வரட்டுபாறை எஸ்டேட் பகுதியில் இருக்கும் ஒரு ராட்சச மரம் கனமழையின் காரணமாக முறிந்து சாலையில் விழுந்து விட்டது.
இதனை அடுத்து முறிந்த மரம் மின் கம்பியின் மீது விழுந்ததால் அப்பகுதியில் மின் தடை ஏற்பட்டுள்ளது. இது குறித்து தகவல் அறிந்த நெடுஞ்சாலைதுறையினர் அங்கு விரைந்து சென்று சாலையில் கிடந்த மரத்தை வெட்டி அகற்றியுள்ளனர். அதன்பிறகு அங்கு போக்குவரத்து சரியானது.