மாதந்தோறும் ரூபாய் 10000 நிதியாக வழங்க வேண்டும் என மரக்கால் ஆட்டக் கலைஞர்கள் கோரிக்கை மனு அளித்துள்ளனர்.
கலைமாமணி மோகன் மரக்கால் கலைக்குழு சார்பாக கலெக்டர் அன்பழகனிடம் கோரிக்கை மனு ஒன்று கொடுக்கப்பட்டுள்ளது. அதில் கூறியிருந்ததாவது “தமிழகத்தில் கொரோனா வேகமாக பரவிக் கொண்டிருக்கும் நிலையில் ஊரடங்கு கட்டுப்பாடுகளால் எங்களது கலைத்தொழில் பாதிக்கப்பட்டுள்ளது. நாங்கள் வேலை வாய்ப்பை இழந்து அன்றாட உணவுக்கு கூட கஷ்டப்பட்டு கொண்டு இருக்கிறோம்.
அதனால் மதுரை மாவட்டத்தில் கலை நிகழ்ச்சிகள் நடத்துவதற்கு அனுமதி தர வேண்டும் எனவும் விழாக்கள் நடத்துவதற்கு ஏதுவாக தளர்வுகளும் அளிக்கப்பட வேண்டும். அவ்வாறு கட்டுப்பாடுகள் தளர்வு செய்யாவிட்டால் கொரோனா நிவாரண நிதியாக ஒவ்வொரு கலைஞருக்கும் மாதம்தோறும் ரூபாய் 10000 நிதியாக வழங்க வேண்டும்” என குறிப்பிட்டிருந்தது