ஆடு திருடிய வாலிபரை காவல்துறையினர் கைது செய்து விசாரணை நடத்தி வருகின்றனர்.
வேலூர் மாவட்டத்தில் உள்ள காட்பாடியில் சரவணன் என்பவர் தனது குடும்பத்துடன் வசித்து வருகிறார். இவர் நேற்று முன்தினம் இரவு தனது வீட்டின் பின்னால் ஆடுகளை கட்டி போட்டுவிட்டு தூங்க சென்றுள்ளார். அதன்பின் நள்ளிரவில் திடீரென்று ஆடுகள் கட்ட தொடங்கியுள்ளது. அந்த சத்தத்தை கேட்டு சரவணன் எழுந்து பார்த்த போது மர்ம நபர்கள் ஆட்டை திருட வந்தது தெரியவந்துள்ளது. உடனே அவர் கூச்சலிட்டதை அடுத்து அக்கம் பக்கத்தினர் உதவியுடன் தப்பி ஓட முயன்ற 2 மர்மநபர்களில் ஒருவரை பிடித்துள்ளனர்.
உடனே சரவணன் அவரை காவல் நிலையத்தில் ஒப்படைத்துள்ளார். அதன்பின் காவல்துறையினர் பிடிபட்டவரிடம் நடத்திய விசாரணையில் அவர் லத்தேரி பகுதியைச் சேர்ந்த குமார் என்பதும் தப்பி ஓடிய மற்றொருவர் அதே பகுதியை சேர்ந்த வைரமுத்து என்பதும் தெரியவந்துள்ளது. இதனையடுத்து காவல்துறையினர் குமார் மீது வழக்குப்பதிவு செய்து தப்பி ஓடிய வைரமுத்துவை தீவிரமாக தேடி வருகின்றனர்.