இது இங்க எப்படி வந்துச்சு…? காணாமல் தவித்த தொழிலாளி… கைது செய்த காவல்துறையினர்…!!

ஆடுகளை திருடிய குற்றத்திற்காக காவல்துறையினர் முதியவரை கைது செய்துள்ளனர்.

தூத்துக்குடி மாவட்டத்திலுள்ள கோவில்பட்டி பகுதியில் ஆடு மேய்க்கும் தொழிலாளியான கார்த்திக் என்பவர் வசித்து வருகிறார். இந்நிலையில் கார்த்திக் வளர்த்த 11 ஆடுகள் கொட்டகையில் இருந்து திருடு போனது. இதனை பார்த்ததும் அதிர்ச்சி அடைந்த கார்த்திக் பல்வேறு இடங்களில் தனது ஆடுகளை தேடி பார்த்துள்ளார். இதனை அடுத்து வானரமுட்டி கிராமத்தில் வசிக்கும் தங்கம் என்பவரது வீட்டில் தனது 11 ஆடுகள் இருந்ததை கார்த்திக் பார்த்துள்ளார்.

அதன் பின் தங்கத்திடம் இந்த ஆடுகளை யாரிடமிருந்து வாங்கினீர்கள் என்று விசாரித்த போது அவர் கூசாலிப்பட்டி பகுதியில் வசிக்கும் மாடசாமி என்பவரிடமிருந்து ஆடுகளை வாங்கியுள்ளதாக கார்த்திக்கிடம் தெரிவித்துள்ளார். இது குறித்து கோவில்பட்டி மேற்கு காவல் நிலையத்தில் கார்த்திக் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் மாடசாமியை கைது செய்து விசாரணை நடத்தி வருகின்றனர்.