தோனியின் ஓய்வு குறித்து திரையுலக பிரபலம் ராகவா லாரன்ஸ் அவர்கள் தனது ட்விட்டர் பக்கத்தில் கருத்து தெரிவித்துள்ளார்.
நட்சத்திரங்களைப் போல் எண்ணிலடங்காத ரசிகர் பட்டாளத்தை கொண்டவர் எம்எஸ் தோனி. இவர் நேற்றைய தினம் சர்வதேச கிரிக்கெட் போட்டியிலிருந்து ஓய்வு பெறுவதாக அறிவித்தார். இது ரசிகர்களிடையே பெரும் சோகத்தை ஏற்படுத்தியது. இவரது இந்த ஓய்வு குறித்து பல்வேறு திரைத்துறையினரும், பிரபலங்களும், கிரிக்கெட் வீரர்களும், அரசியல் தலைவர்களும் தொடர்ந்து தங்களது கருத்துக்களை சமூக வலைதளங்கள் வாயிலாக தெரிவித்து வருகின்றனர். அந்த வகையில்,
திரையுலக பிரபலம் ராகவா லாரன்ஸ் தனது ட்விட்டர் பக்கத்தில், பிறக்கும் அனைவருக்கும் கடவுள் ஒரு கடமையை அளித்திருப்பார். தோனி அதை 100 சதவிகிதத்திற்கு மேலாகவே நிறைவேற்றியுள்ளார். நீங்கள் சாதித்தது மட்டுமல்லாமல், எளிமையான மனிதராக இருந்து வருகிறீர்கள். அவ்வளவு உச்சத்திலும் அந்த தன்மையை தக்க வைப்பது மிக கடினம். அதனால்தான் நீங்கள் நல்ல தலைவன், நல்ல மனிதன் என்று புகழ்ந்துள்ளார்.