சூர்யாவின் ‘சூரரைப்போற்று’ திரைப்படம் உலகளவில் மூன்றாம் இடம் பிடித்துள்ளது.
திரைப்பட ரேட்டிங் மற்றும் தகவல் தளமான ஐஎம்டிபி நிறுவனம் உலகளவில் அதிக ரேட்டிங் பெற்று டாப் 1000 இடத்தில் இடம்பெற்றுள்ள திரைப்படங்களின் பட்டியலை வெளியிட்டுள்ளது. இந்த பட்டியலில் ஷஷாங் ரிடம்ப்ஷன் திரைப்படம் 9.3 புள்ளிகள் பெற்று முதலிடத்திலும், காட்பாதர் திரைப்படம் 9.2 புள்ளிகள் பெற்று இரண்டாம் இடத்திலும் உள்ளது.
இதைதொடர்ந்து 9.1 புள்ளிகள் பெற்று 3-வது இடத்தில் தமிழ் சினிமாவில் சூர்யா நடிப்பில் வெளியான ‘சூரரைப்போற்று’ திரைப்படம் இடம்பெற்றுள்ளது. 2டி நிறுவனம் தயாரித்திருந்த இப்படத்திற்கு ஜிவி பிரகாஷ் இசை அமைத்திருந்தார்.
இத்திரைப்படம் ரசிகர்கள் மத்தியில் மாபெரும் வெற்றியை பெற்றது. இந்நிலையில் சூரரைப் போற்று திரைப்படம் தற்போது உலகளாவிய ரேட்டிங்கில் மூன்றாவது இடம் பிடித்திருப்பது சூர்யா ரசிகர்களிடம் மகிழ்ச்சியை ஏற்படுத்தியுள்ளது.
