செப்டம்பர் மாதத்தில் கல்லூரியை திறக்கலாம் என யுஜிசிக்கு நிபுணர் குழு பரிந்துரை செய்துள்ளது.
கொரோனா வைரஸ் தாக்கத்தால் இந்தியாவில் இருக்கக்கூடிய நிலையில் அனைத்து கல்வி நிலையங்களும் தற்போது மூடப்பட்டிருக்கிறது. ஊரடங்கு உத்தரவு பிறப்பிக்கப்பட்டுள்ளதால் அடுத்த கட்டமாக என்ன நடவடிக்கை எடுக்கலாம் என்பது தொடர்பாக யுஜிசி சார்பில் இரண்டு நிபுணர் குழுக்கள் அமைக்கப்பட்டு இருந்தது. இந்திராகாந்தி திறந்தவெளி பல்கலைக்கழகத்தில் பேராசிரியர்களை கொண்டு ஒரு குழுவும், ஹரியானா மாநிலத்தின் பல்கலைக்கழகத்தின் துணைவேந்தர் தலைமையில் ஒரு குழுவும் அமைக்கப்பட்டது. இந்த இரண்டு குழுக்களும் தற்போது யுஜிசி யிடம் சில முக்கியமான பரிந்துரைகளை கொடுத்து இருக்கின்றார்கள்.
மத்திய அரசுக்கும் வெளிப்படையாக அந்த பரிந்துரை கொடுக்கப்பட்டுள்ளது. அதில் ஜூலை மாதம் கல்லூரிகள் திறக்கப்படும் என்பதை மாற்றி செப்டம்பர் மாதத்துக்கு தள்ளிவைக்க வேண்டும் என்றும், கொரோனவை இன்னும் தீவிரமாக கண்காணிக்க வேண்டியது உள்ளது என்றும் அவர்கள் பரிந்துரை செய்துள்ளார்கள். இணையதள வாயிலாக பாடங்களை நடத்தக் கூடிய கல்லூரிகள் இருந்தால் அல்லது வகுப்புகள் இருந்தால் அதன் மூலம் மாதிரித் தேர்வுகளை நடத்த ஊக்குவிக்கலாம் என்றும் அந்தப் பரிந்துரையில் சொல்லப்பட்டுள்ளது.