மகாபாரதத்தில் அர்ஜுனனின் அம்பில் அணு ஆயுதம்..!  – மேற்கு வங்க ஆளுநர்

ஆளுநர் ஜெக்தீப் தங்கர் கொல்கத்தாவில் நடைபெற்ற அறிவியல் கண்காட்சியை அர்ஜுனனின் அம்பில் அணு ஆயுதம் இருந்ததாக கூறினார். இதற்கு அறிவியல் அறிஞர்கள் எதிர்ப்பு தெறிவித்துள்ளனர்.

மேற்கு வங்க மாநிலம் கொல்கத்தாவில் நடைபெற்ற அறிவியல் கண்காட்சியை ஆளுநர் ஜெக்தீப் தங்கர் தொடங்கி வைத்தார்.

அந்நிகழ்ச்சியில் பேசிய அவர், “ 1910 அல்லது 1911 ஆண்டுகளில் தான் விமானங்கள் மனிதனால் கண்டுபிடிக்கப்பட்டது. ஆனால், ராமாயண காலத்திலேயே பறக்கும் தேர்கள் இருந்தது.

மேலும், மகாபாரத காலத்தில் போர் களத்தில் இல்லாத சஞ்சயன் போர் களத்தில் என்ன நிகழ்ந்து கொண்டிருக்கிறது என்று பார்த்து கூறினான். அதுமட்டுமல்ல அர்ஜுனனின் அம்பில் அணு ஆயுதம் இருந்ததன எனவும் கூறினார்.

இந்நிலையில், அறிவியல் கண்காட்சியில், இதுபோன்ற கருத்துகளை தெரிவிப்பதை ஆளுநர் தவிர்க்க வேண்டும் என அறிவியல் அறிஞர்கள் வலியுறுத்தியுள்ளனர்.