தமிழ் சினிமாவின் பிரம்மாண்ட இயக்குனர் என்று அழைக்கப்படுபவர் சங்கர். இவர் தற்போது தெலுங்கில் ராம்சரனுடன் ஒரு படம் மற்றும் தமிழில் கமல்ஹாசனை வைத்து இந்தியன் 2 போன்ற படங்களை இயக்கி வருகிறார். இயக்குனர் சங்கரன் 2-வது மகள் அதிதி விருமன் என்ற திரைப்படத்தின் மூலம் தற்போது ஹீரோயின் ஆக அறிமுகமாகியுள்ளார். கடந்த சில மாதங்களுக்கு முன்பாக இயக்குனர் சங்கரின் மூத்த மகள் ஐஸ்வர்யாவுக்கும் பிரபல கிரிக்கெட் வீரர் ரோகித் தாமோதரனுக்கும் திருமணம் நடைபெற்றது.
இவர்களுக்கு திருமணம் முடிந்த சில மாதங்களிலேயே பாலியல் வழக்கில் ரோகித் கைது செய்யப்பட்டார். அதாவது கிரிக்கெட் பயிற்சி பெறுவதற்காக ஒரு 16 வயது சிறுமி சென்றுள்ளார். அந்த சிறுமியிடம் ரோகித் உட்பட 5 பேர் தவறான முறையில் நடந்து கொண்டதாக கூறப்பட்ட நிலையில், அவர்கள் மீது போக்சோ சட்டத்தின் கீழ் வழக்கு =ப்பதிவு செய்யப்பட்டது. பிரம்மாண்ட இயக்குனர் சங்கரின் மருமகன் போக்சோ வழக்கில் கைது செய்யப்பட்டது ரசிகர்கள் மட்டுமின்றி திரையுலக பிரபலங்கள் மத்தியிலும் பெரும் அதிர்வலைகளை ஏற்படுத்தியது.
இந்நிலையில் ரோகித் தற்போது ஒரு புதிய அறிக்கையை வெளியிட்டுள்ளார். அதில் தான் மன ரீதியான பிரச்சனையில் இருப்பதால் கிரிக்கெட்டில் இருந்து ஓய்வு பெறுகிறேன். மேலும் என்னுடைய பிரச்சினைகள் சரியான பிறகு மீண்டும் கிரிக்கெட்டில் கலந்து கொள்வேன் என்று குறிப்பிடப்பட்டுள்ளது.
