வீட்டின் மேற்கூரை சரிந்து விழுந்த விபத்தில் மூதாட்டி உயிரிழந்த சம்பவம் சோகத்தை ஏற்படுத்தியுள்ளது.
விருதுநகர் மாவட்டத்தில் உள்ள சேதுராஜபுரம் பகுதியில் சீரங்கம்மாள் என்ற மூதாட்டி வசித்து வந்துள்ளார். இவர் வீட்டில் தனியாக வசித்து வந்துள்ளார். கடந்த நவம்பர் மாதம் 1 – ஆம் தேதியன்று சீரங்கம்மாள் வீட்டின் வாசலில் துணி துவைத்து கொண்டிருந்தார். அப்போது எதிர்பாராதவிதமாக வீட்டின் மேற்கூரை சரிந்து சீரங்கம்மாள் தலையில் விழுந்துள்ளது.
இந்த விபத்தில் சீரங்கம்மாள் சம்பவ இடத்திலேயே பரிதாபமாக உயிரிழந்து விட்டார். இது குறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று சீரங்கம்மாளின் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இச்சம்பவம் குறித்து வழக்கு பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.