சீனாவில் கொரோனா நோயை கட்டுப்படுத்துவதற்காக 5 நாட்களில் புதிய மருத்துவமனையை கட்டி சீன அரசு சாதனை படைத்துள்ளது.
சீனாவில் கொரோனா தொற்று குறைந்து வந்த நிலையில், சமீபத்தில் நாங்கோங் நகரிலும், ஹெபெய் மாநிலத்திலும் தொற்று அதிகரித்து வந்தது. இதனை கட்டுப்படுத்துவதற்காக சீன அரசு புதிதாக மருத்துவமனைகளை கட்ட ஏற்பாடு செய்தது.கொரோனாவால் பாதிக்கப்பட்டவர்களுக்கு சிகிச்சை அளிப்பதற்காக சீனாவில் 5 நாட்களில் அரசு மருத்துவமனையை கட்டியுள்ளனர்.
ஹெபெய் மாநிலத்தில் கட்டப்பட்டுள்ள புதிய மருத்துவமனையில் 1500 அறைகள் உள்ளது.மேலும் இது போன்ற ஐந்து மருத்துவமனைகளை சீன அரசு கட்ட திட்டமிட்டுள்ளது. அந்த ஐந்து மருத்துவமனைகளையும் கட்டி முடித்தால் 6500 நோயாளிகளுக்கு ஒரே நேரத்தில் சிகிச்சை அளிக்க முடியும் என்று சீன அரசு தெரிவித்துள்ளது.