அமெரிக்காவில் ஏற்கெனவே வேலை பார்த்தவர்கள் எச் 1 பி விசா மூலம் மீண்டும் வந்து பணியாற்றலாம் என அமெரிக்கா தெரிவித்திருக்கிறது.
அமெரிக்க நாட்டில் குடியுரிமை பெறாமல், அந்நாட்டில் தங்கி வேலை பார்ப்பதற்கு வெளிநாட்டினருக்கு எச்-1 பி விசா வழங்கப்படுகின்றது. இந்த எ ச்-1 பி விசாக்களை இந்தியாவின் தகவல் தொழில்நுட்பத்துறை வல்லுனர்கள், பணியாளர்கள் அதிகளவில் பெற்றுகின்றனர். அமெரிக்கவின் வேலைகள் அமெரிக்கர்களுக்கு மட்டுமே என்று கூறி வரும் அதிபர் டிரம்ப், எச் 1 பி விசாவில் பல்வேறு கட்டுப்பாடுகளை கொண்டுவந்துள்ளார். அதனால், எச் 1 பி விசாதாரர்கள் கடுமையாக பாதிக்கப்படும் சூழல் உருவாகியுள்ளது.
இந்நிலையில், எச் 1 பி விசா கட்டுப்பாடுகளில் சில தளர்வுகளை டிரம்ப் நிர்வாகம் வெளியிட்டிருக்கிறது. அதில் ஏற்கெனவே வேலை செய்தவர்கள் எச் 1 பி விசா மூலம் மீண்டும் அமெரிக்கா திரும்பி பணியாற்றலாம் என கூறியுள்ளது. எச் 1 பி விசா ஊழியர்கள் தங்களது மனைவி மற்றும் பிள்ளைகளையும் அழைத்து வரலாம் என அமெரிக்க வெளியுறவுத்துறை தெரிவித்துள்ளது.