கொரோனாவை ஒற்றுமையுடன் எதிர்த்து போராட நாட்டு மக்கள் அனைவரும் ஒற்றுமை ஒளி ஏற்றி பிரதமரின் வேண்டுகோளை நிறைவேற்றினர்.
இந்தியாவில் கொரோனா வைரஸ் வேகமாக பரவி வரும் நிலையில் மத்திய அரசு பல்வேறு நடவடிக்கைகளை மேற்கொண்டு வருகிறது. குறிப்பாக 21 நாள் நாடுமுழுவதும் முழு ஊரடங்கு உத்தரவு அமலில் இருக்கும் நிலையில் நாட்டு மக்கள் அனைவரும் ஒற்றுமையாக கொரோனாவை எதிர்க்க வேண்டும். மக்களின் ஒற்றுமையை அதனை வலியுறுத்தி அனைவரும் இரவு 9 மணிக்கு 9 நிமிடங்கள் மின் விளக்குகளை அனைத்து விட்டு தீபம் ஏற்றுங்கள் என்று பிரதமர் மோடி அழைப்பு விடுத்திருந்தார்.
இந்நிலையில் பிரதமர் மோடியின் வேண்டுகோளை என்று நாடு முழுவதும் கொரோனாவுக்கு எதிராக, மக்கள் ஒற்றுமையுடன் தீப ஒளியேற்ற்றினர். பிரதமரின் வேண்டுகோளை ஏற்று, அகல் விளக்கு, மெழுகுவர்த்தி, டார்ச் மூலம் ஒளியேற்றினர். வீட்டு முற்றத்தில் நீர் தெளித்து, கோலமிட்டு, விளக்கு வீடெங்கிலும் ஒற்றுமை ஒளியேற்ற்றினர். நடிகர் ரஜினிகாந்த் கையில் மெழுகுவர்த்தி ஏந்தி மக்கள் ஒற்றுமை நம்பிக்கை ஒளி ஏற்றினார்.
மாண்புமிகு பிரதமர் மோடி ஜி அவர்களின் அழைப்பிற்கு இணங்க வீட்டில் உள்ள மின் விளக்குகளை அணைத்து விட்டு வீட்டு வாசலில் தீபம் ஏற்றப்பட்டது. pic.twitter.com/mgk6EyBtAL
— H Raja (@HRajaBJP) April 5, 2020
அதே போல பாஜகவின் தேசிய செயலாளர் எச்.ராஜா தனது இல்லத்தில் அனைத்து மின்விளக்கையும் அனைத்து விட்டு ஒற்றுமை ஒளி ஏற்றினார்.