பொதுமக்களுக்கு சாலை பாதுகாப்பு குறித்த விழிப்புணர்வு துண்டுப் பிரசுரங்கள் வழங்கும் நிகழ்ச்சியானது நெடுஞ்சாலைத்துறை சார்பில் வழங்கப்பட்டது.
ராணிப்பேட்டை மாவட்டத்தில் உள்ள முத்துக்கடை பகுதியில் நெடுஞ்சாலைத்துறை சார்பில் சாலை பாதுகாப்பு குறித்த விழிப்புணர்வு துண்டு பிரசுரங்களை வழங்கும் நிகழ்ச்சி நடைபெற்றது. இந்த நிகழ்ச்சியானது வேலூர் கோட்ட பொறியாளர் எஸ்.எஸ். சரவணன் தலைமையில் நடைபெற்றது.
மேலும் உதவி பொறியாளர் டி. ஞானராஜ் மற்றும் வாலாஜா, உதவி கோட்ட பொறியாளர் பிரகாஷ் போன்றோர் முன்னிலையில் இந்த நிகழ்ச்சி நடைபெற்றது. அதோடு சாலை பாதுகாப்பு குறித்த விழிப்புணர்வு துண்டு பிரசுரங்கள் பொதுமக்களுக்கு வழங்கப்பட்டது. இதனையடுத்து சீட்பெல்ட் அணிவது, ஹெல்மெட் போடுவது போன்ற பாதுகாப்பு நடவடிக்கைகள் குறித்தும் பொதுமக்களுக்கு விழிப்புணர்வு ஏற்படுத்தினார்கள்.