“வி.பி சந்திரசேகர் மரணம்” மிகவும் சோகமான செய்தி…. இரங்கல் தெரிவித்த ஹர்பஜன்..!!

இந்திய அணியின் முன்னாள் கிரிக்கெட் வீரர் வி.பி சந்திரசேகர் மறைவிற்கு ஹர்பஜன் சிங் ஆழ்ந்த இரங்கல் தெரிவித்துள்ளார்.

இந்திய அணியின் முன்னாள் கிரிக்கெட் வீரர் வி.பி சந்திரசேகர் 1961-ம் ஆண்டு ஆகஸ்ட் 21- ஆம் தேதி சென்னையில் பிறந்தார். இவர் சர்வதேச கிரிக்கெட்டில் இந்திய அணிக்காக 7 போட்டிகளில் விளையாடியுள்ளார். அதன் பிறகு சர்வதேச கிரிக்கெட்டிலிருந்து ஓய்வை அறிவித்து பின் பயிற்சியாளராகவும், வர்ணனையாளராகவும், ஆலோசகராகவும் இருந்துள்ளார்.

இந்நிலையில் விபி சந்திரசேகர் நேற்று மயிலாப்பூரில் உள்ள அவரது வீட்டில் இரவு மாடிக்கு சென்ற அவர் நீண்ட நேரமாகியும் கீழே வராததால் சந்தேகம் அடைந்த குடும்பத்தினர் மேலே சென்று பார்த்த போது அவர் வேட்டியால் மின்விசிறியில் தூக்கு போட்டு தற்கொலை செய்து பிணமாக கிடந்தார். இதையடுத்து அதிர்ச்சியடைந்த குடும்பத்தினர் காவல்துறைக்கு தகவல் கொடுத்தனர். பின்னர் விரைந்து வந்த மயிலாப்பூர் போலீசார் வழக்குப்பதிவு செய்து சடலத்தை கைப்பற்றி பிரேத பரிசோதனைக்காக ராயப்பேட்டை அரசு மருத்துவமனைக்கு அனுப்பி வைத்தனர். மேலும் போலீசார் தற்கொலைக்கான காரணம் குறித்து தீவிர விசாரணை செய்து வருகின்றனர்.

இவரது மறைவுக்கு முன்னாள், இன்னாள் கிரிக்கெட் வீரர்கள் பலரும்இரங்கல் தெரிவித்து வருகின்றனர். இந்திய அணியின் முன்னாள் கிரிக்கெட் வீரர் ஹர்பஜன் சிங் தனது ட்விட்டர் பக்கத்தில் ஆழ்ந்த இரங்கல் தெரிவித்துள்ளார். கேட்க மிகவும் அதிர்ச்சியாக இருக்கிறது. வி.பி. சந்திரசேகர் இந்திய கிரிக்கெட் வீரர் இனி இல்லை .. மிகவும் சோகமான செய்தி .. மிகவும் இளம் வயதில் சென்றுவிட்டார் .. ஆத்மா சாந்தியடையட்டும் வி.பி. .. பெரிய இழப்பு குடும்பத்திற்கு எனது இரங்கல்” என்று பதிவிட்டுள்ளார்.

Very shocking to hear VB Chandrashekhar indian cricketer is no more.. very sad news .. very young to go.. rest in peace VB.. Big lose ☹️ condolences to the family 🙏🙏 @CSKFansOfficial @ChennaiIPL @BCCI

— Harbhajan Turbanator (@harbhajan_singh) August 15, 2019

Categories