ஹரி-அருண் விஜய் கூட்டணியில் உருவாகும் படத்தில் ‘கேஜிஎஃப்’ பட வில்லன் இணைந்துள்ளதாக படக்குழு அறிவித்துள்ளது .
தமிழ் திரையுலகில் இயக்குனர் ஹரி சாமி ,வேல் ,ஆறு ,சிங்கம், பூஜை என பல்வேறு கமர்ஷியல் ஹிட் படங்களை கொடுத்தவர் . இவர் அடுத்ததாக நடிகர் அருண் விஜய் நடிக்கும் படத்தை இயக்க உள்ளார் . இந்த படத்தில் கதாநாயகியாக நடிகை பிரியா பவானி சங்கர் நடிக்கவுள்ளார். மேலும் இந்த படத்தில் பிரகாஷ்ராஜ், யோகிபாபு ஆகியோர் முக்கிய கதாபாத்திரத்தில் நடிக்கவுள்ளனர் .
இந்நிலையில் கேஜிஎஃப் படத்தில் வில்லனாக நடித்த ராமச்சந்திர ராஜு இந்த படத்தில் இணைந்துள்ளதாக படக்குழு அறிவித்துள்ளது. இவர் இந்த படத்தில் அருண் விஜய்க்கு வில்லனாக நடிக்க இருப்பதாக கூறப்படுகிறது . இந்த படத்தின் படப்பிடிப்பு விரைவில் தொடங்கும் என எதிர்பார்க்கப்படுகிறது.