மீன் ஊறுகாய்
தேவையான பொருட்கள்:
மீன் – 1/4 கிலோ
மிளகாய் தூள் – 3 மேஜைக்கரண்டி
வெந்தயப்பொடி – 1/2 மேஜைக்கரண்டி
பூண்டு – 1
இஞ்சி – ஒரு சிறிய துண்டு
மஞ்சள் பொடி – 1/4 தேக்கரண்டி
வினிகர் – 1/4 கப்
உப்பு – தேவையான அளவு
கடுகு – 1/2 மேஜைக்கரண்டி
கறிவேப்பில்லை – சிறிதளவு
நல்லெண்ணெய் – தேவையான அளவு
செய்முறை :
முதலில் மீனை நன்றாக சுத்தம் செய்து, முட்களை நீக்கிக் கொள்ள வேண்டும். அதனுடன் மிளகாய் பொடி, மஞ்சள் பொடி மற்றும் உப்பு சேர்த்து கலந்து 1 மணி நேரம் ஊற வைக்க வேண்டும். ஒரு கடாயில் எண்ணெய் ஊற்றி , மீன் துண்டுகளை போட்டு வறுத்து எடுத்துக் கொள்ளவும். மற்றொரு கடாயில் நல்லெண்ணெய் ஊற்றி , கடுகு , கறிவேப்பிலை, இஞ்சி, பூண்டு சேர்த்து கிளறிக் கொள்ள வேண்டும். அதனுடன் மிளகாய் பொடி, வெந்தயப்பொடி, உப்பு மற்றும் வறுத்து வைத்துள்ள மீன் துண்டுகளை சேர்த்து 5 நிமிடம் கிளறி வினிகர் சேர்த்து கொள்ள வேண்டும் . பின் இவை ஆறியதும் ஒரு காற்றுப்புகாத பாட்டிலில் போட்டு வைத்தால் சுவையான மீன் ஊறுகாய் தயார் !!!