“தளபதி 65” திரைப்படத்தில் நடிக்கும் காமெடி நடிகரின் தகவல் வெளியாகியுள்ளது.
முன்னணி நடிகர் விஜய் நடிப்பில் வெளியான மாஸ்டர் திரைப்படம் திரையரங்குகளில் மாபெரும் வெற்றி பெற்றது. இதைத்தொடர்ந்து “தளபதி 65” திரைப்படத்தை நெல்சன் திலீப்குமார் இயக்க உள்ளார். சன் பிக்சர்ஸ் நிறுவனம் தயாரிக்கும் இப்படத்தின் பூஜை கடந்த சில தினங்களுக்கு முன்பு நடைபெற்றது.
இப்படத்தில் விஜய்க்கு ஜோடியாக பூஜா ஹெக்டே நடிக்க உள்ளார். மேலும் அபர்னா தாஸ், விடிவி கணேஷ் ஆகியோர் முக்கிய கதாபாத்திரத்தில் நடிக்க ஒப்பந்தமாகியுள்ளார். இதற்கிடையில் இப்படத்தில் பிரபல காமெடி நடிகர் யோகிபாபு நடிக்க உள்ளார் என்ற தகவல் சமூகவலைத்தளங்களில் பரவி வந்தது.
அதனை உறுதிப்படுத்தும் வகையில் யோகி பாபு சமீபத்தில் அளித்த பேட்டி ஒன்றில் “தளபதி 65” திரைப்படத்தில் நடிப்பதை உறுதி செய்துள்ளார். இதுகுறித்த அதிகாரப்பூர்வ அறிவிப்பு கூடிய விரைவில் வெளியாகும் என்று எதிர்பார்க்கப்படுகிறது.