தேனி மாவட்டத்தில் நெஞ்சுவலியால் அவதிப்பட்டு வந்த முதியவர் விஷமாத்திரைகள் சாப்பிட்டு உயிரிழந்த சம்பவம் அப்பகுதியில் சோகத்தை ஏற்படுத்தியுள்ளது.
தேனி மாவட்டம் பெரியகுளத்தை அடுத்துள்ள சருத்துப்பட்டியில் உள்ள இந்திரா காலனியில் மாரிச்சாமி(64) என்பவர் வசித்து வந்துள்ளார். இவர் பல ஆண்டுகளாக நெஞ்சு வலி மற்றும் ஆஸ்துமாவால் அவதிப்பட்டு வந்துள்ளார். இந்நிலையில் இதற்காக சிகிச்சை பெற்றும் சரி ஆகாத நிலையில் மாரிச்சாமி மிகவும் மனமுடைந்து காணப்பட்டதாக கூறப்படுகின்றது.
இதனையடுத்து விரக்தியடைந்த முதியவர் நேற்று முன்தினம் விஷ மாத்திரைகள் சாப்பிட்டு தற்கொலை செய்துகொண்டுள்ளார். மேலும் மாரிச்சாமி மயக்கமடைந்ததை பார்த்த அக்கம்பக்கத்தினர் உடனடியாக அவரை மீட்டு தேனி அரசு மருத்துவமனையில் அனுமதித்துள்ளனர். அங்கு தீவிர சிகிச்சை அளிக்கப்பட்டும் மாரிச்சாமி பரிதாபமாக உயிரிழந்துள்ளார். இச்சம்பவம் குறித்து வழக்குப்பதிவு செய்து போலீசார் விசாரணை மேற்கொண்டு வருகின்றனர்.