நடந்து முடிந்த உலகக் கோப்பை கிரிக்கெட் தொடரில் நான் சரியாக விளையாடவில்லை என்று இந்திய அணி வீரர் கேதார் ஜாதவ் தெரிவித்துள்ளார்
தமிழகத்தில் டிஎன் பி எல் கிரிக்கெட் தொடரின் நான்காவது நடைபெற்று வருகிறது நேற்று நத்தத்தில் திண்டுக்கல் ட்ராகன்ஸ் மற்றும் சேப்பாக் சூப்பர் கில்லீஸ் அணிகள் மோதியது. இதில் திண்டுக்கல் ட்ராகன்ஸ் 10 ரன்கள் வித்தியாசத்தில் வென்றது. இப்போட்டியை சிறப்பிக்க இந்திய அணி வீரர் கேதார் ஜாதவ் வருகை தந்திருந்தார். அப்போது பேசிய அவர், இதுபோன்ற தொடர்கள் வீரர்களுக்கு மிகவும் உதவிகரமாக இருக்கிறது. அவர்களின் விளையாட்டு ஆர்வத்தை ஊக்குவித்து ஐபிஎல் ரஞ்சி போட்டிகளில் இடம்பெற மிகவும் உதவுகிறது. இந்த போட்டிகளில் சிறப்பாக விளையாடும் வீரர்கள் இந்தியா முழுவதும் கவனிக்கப்படுவார்கள் என்றார்.
மேலும் பேசிய அவர், இயற்கை வளம் மிகுந்த அழகான இடம் நத்தம். சமீப காலங்களில் இந்தியாவில் நிறைய மைதானங்கள் வளர்ந்து வருவது கிரிக்கெட் வளர்ச்சிக்கு மிகப் பெரும் உதவியாக இருக்கும். நடந்து முடிந்த உலகக் கோப்பை கிரிக்கெட் தொடரில் நான் சரியாக விளையாடவில்லை. இருப்பினும் வாழ்க்கை நமக்கு நிறைய பாடங்களைக் கற்றுக் கொடுக்கிறது என்றார்.