நாமக்கல் மாவட்டத்தில் வேலை வாங்கி தருவதாக வடமாநில தொழிலாளர்களை அழைத்து அவர்களிடம் பணத்தை பறித்து ஏமாற்றிய ரிக் லாரி உரிமையாளர் உள்பட 4 பேரை போலீசார் கைது செய்துள்ளனர்.
நாமக்கல் மாவட்டம் பள்ளிபாளையம் அடுத்துள்ள மொளசி அம்மாசிபாளையம் பகுதியில் ரவி(56) என்பவர் வசித்து வந்துள்ளார். இவரது மகன் பிரகாஷ்(28) ரிக் லாரி வைத்து தொழில் நடத்தி வருகின்றார். இந்நிலையில் லாரி டிரைவராக அசாம் மாநிலத்தை சேர்ந்த ராகுல்(35), மற்றும் சமீர்(40) வேலை பார்த்து வந்துள்ளனர். இதனையடுத்து ரவி, பிரகாஷ் மற்றும் வடமாநில டிரைவர்கள் இணைந்தது மேற்கு வங்க மாநிலத்தை சேர்ந்த கோரா(43), பார்பயன்(40), மண்டேல் ஆகியோடம் வேலை வாங்கி தருவதாக கூறி அழைத்துள்ளனர்.
இதனை நம்பி வந்த அந்த 3 பேரை மிரட்டி அவர்களிடம் இருந்த 16,000 ரூபாய் மற்றும் செல்போனை பறித்து கொண்டுள்ளனர். இதுகுறித்து வடமாநிலத்தை சேர்ந்தவர்கள் தெரிந்தவர்களின் உதவியுடன் காவல்நிலையத்தில் புகார் அளித்துள்ளனர். அந்த புகாரின் அடிப்படையில் பள்ளிபாளையம் இன்ஸ்பெக்டர் சாந்த மூர்த்தி வழக்குப்பதிவு செய்து விசாரணை நடத்தியுள்ளனர். மேலும் விசாரணையில் பணம் மற்றும் செல்போனை அபகரித்த ரவி, பிரகாஷ், சமீர், ராகுல் ஆகிய 4 பேரை கைது செய்துள்ளனர்.