நடிகை சமந்தா ஏற்கனவே நடித்த கதாபாத்திரத்தில் நடிக்க விருப்பம் இல்லை என்று கூறியுள்ளார்.
தமிழ் மற்றும் தெலுங்கில் முன்னணி நடிகை சமந்தா நடிப்பில் வெளியான திரைப்படம் யு-டர்ன். இத்திரைப்படத்தை ஹிந்தியில் ரீமேக் செய்கின்றனர். ஆகையால் ஹிந்தியில் ரீமேக் செய்யப்படும் திரைப் படத்திலும் சமந்தாவே நடிக்க வேண்டும் என்று படக்குழுவினர் பேச்சுவார்த்தை நடத்தினார்.
ஆனால் நடிகை சமந்தா ஏற்கனவே நடித்த வேடத்தில் மீண்டும் நடிக்க விருப்பமில்லை என்று கூறியுள்ளார். ஆகையால் இப்படத்தில் நடிக்க வேறு பாலிவுட் நடிகையுடன் படக்குழு பேச்சுவார்த்தை நடத்தி வருகிறது.
நடிகை சமந்தா தற்போது விக்னேஷ் சிவன் இயக்கத்தில் உருவாகி வரும் காத்துவாக்குல ரெண்டு காதல் திரைப்படத்தில் விஜய் சேதுபதிக்கு ஜோடியாக நடித்து வருகிறார். மேலும் தெலுங்கில் புராண கதை அம்சம் கொண்ட சகுந்தலம் திரைப்படத்திலும் நடித்து வருகிறார்.