தமிழில் விஜய் டிவியில் ஒளிபரப்பாகும் பிக் பாஸ் நிகழ்ச்சி ஹிந்தி மற்றும் தெலுங்கிலும் ஒளிபரப்பாகிக் கொண்டிருக்கிறது. தமிழில் தற்போது பிக் பாஸ் 6-வது சீசன் ஓடிக்கொண்டிருக்க, ஹிந்தியில் 16-வது சீசனும், தெலுங்கில் 6-வது சீசனும் ஒளிபரப்பாகிக் கொண்டிருக்கிறது. அதன்பிறகு 3 மொழிகளிலும் பிக் பாஸ் நிகழ்ச்சி விறுவிறுப்பாக ஓடிக்கொண்டிருக்கிறது. இந்நிலையில் தெலுங்கு பிக்பாஸ் நிகழ்ச்சியின் முதல் சீசனை ஜூனியர் என்டிஆர் தொகுத்து வழங்க, 2-ம் சீசனை நடிகர் நானியும், 3,4,5,6 ஆகிய சீசன்களை நாகார்ஜுனாவும் தொகுத்து வழங்கினர்.
இந்த சூழ்நிலையில் நடிகர் நாகார்ஜுனா 6-ம் சீசனோடு பிக்பாஸ் நிகழ்ச்சியை தான் தொகுத்து வழங்குவதில்லை என்று அதிரடியாக அறிவித்துள்ளார். இது தெலுங்கு ரசிகர்கள் மத்தியில் பெரும் அதிர்ச்சியை ஏற்படுத்தியுள்ளது. மேலும் நடிகர் நாகார்ஜுனா பிக் பாஸ் நிகழ்ச்சியில் இருந்து விலகுவதாக அறிவித்ததால் பிரபல நடிகர் விஜய் தேவரகொண்டாவை 7-ம் சீசனில் களம் இறக்க முடிவு செய்துள்ளதாக கூறப்படுகிறது.
