ஐசிசி உலக டெஸ்ட் சாம்பியன்ஷிப் தரவரிசை பட்டியலில் பாகிஸ்தான் அணி 2-வது இடத்திற்கு முன்னேறியுள்ளது .
வங்காளதேசத்தில் சுற்றுப்பயணம் மேற்கொண்ட பாகிஸ்தான் கிரிக்கெட் அணி 3 டி20 மற்றும் 2 டெஸ்ட் போட்டிகளில் விளையாடியது.இதில் இரு அணிகள் இடையே நடந்த டி20 போட்டியில் 3-0 என்ற கணக்கில் பாகிஸ்தான் அணி தொடரை வென்றது .இதையடுத்து இரு அணிகளுக்கு இடையே நடந்த 2 போட்டிகள் கொண்ட டெஸ்ட் தொடரில் 2-0 என்ற கணக்கில் பாகிஸ்தான் அணி தொடரை கைப்பற்றியது .
இதன் மூலம் ஐசிசி உலக டெஸ்ட் சாம்பியன்ஷிப் தரவரிசை பட்டியலில் 75% புள்ளிகளுடன் பாகிஸ்தான் அணி இரண்டாவது இடத்துக்கு முன்னேறியுள்ளது .இதில் இலங்கை அணி 100% புள்ளிகளுடன் முதலிடத்திலும் ,இந்திய அணி 58.33 % புள்ளிகளுடன் 3-வது இடத்திலும் உள்ளது.