ஐ.சி.எப் தொழிற்சாலை ஊழியர் ஒருவர் தூக்கிட்டு தற்கொலை செய்துகொண்ட சம்பவம் சோகத்தை ஏற்படுத்தியுள்ளது.
சென்னை பட்டாபிராம் பகுதியைச் சேர்ந்தவர் ராஜாமணி (55). இவர் ஐ.சி.எப் இரயில் பெட்டித் தொழிற்சாலையில் சீனியர் டெக்னீசியனாக பணிபுரிந்து வந்துள்ளார். இவருக்கு 2 மகன்கள், ஒரு மகள் உள்ளனர். உடல்நிலை சரியில்லாததால் நீண்ட நாட்களாக விடுமுறையில் இருந்த இவர், நேற்று முன்தினம் (நவ.17) பணிக்கு திரும்பினார்.
இந்நிலையில், தொழிற்சாலையின் அறையில் ராஜாமணி தூக்கிட்டு தற்கொலை செய்துகொண்டார். இதைப் பார்த்த சக ஊழியர்கள் அதிர்ச்சியடைந்தனர். இது குறித்து தகவலறிந்து சம்பவ இடத்துக்கு விரைந்து வந்த ஐ.சி.எப் காவல் துறையினர், ராஜாமணியின் உடலை மீட்டு உடற்கூறாய்வுக்காக கீழ்ப்பாக்கம் அரசு மருத்துவமனைக்கு அனுப்பி வைத்தனர். இது தொடர்பாக வழக்குப் பதிவு செய்து காவல் துறையினர் விசாரணை மேற்கொண்டு வருகின்றனர்.