முன்விரோதம் காரணமாக இளைஞர் கத்தியால் குத்தி கொலை செய்யப்பட சம்பவம் சோகத்தை ஏற்படுத்தியுள்ளது.
செங்கல்பட்டு மாவட்டத்தில் உள்ள சிங்கபெருமாள்கோவில் பகுதியை சேர்ந்தவர் அஜித்குமார்(24). இவர் நேற்று தனது இருசக்கர வாகனத்தில் சென்று கொண்டு இருந்தார். அப்போது அடையாளம் தெரியாத நபர்கள் அஜித்குமாரை வழிமறித்து விரட்டி உள்ளனர். பின்னர் கத்தியால் அஜீத் குமாரை சரமாரியாக குத்தினர். இதில் அவர் சம்பவ இடத்திலேயே பரிதாபமாக உயிரிழந்தார். இது குறித்து தகவலறிந்த காவல்துறையினர் சம்பவ இடத்திற்கு விரைந்து சென்று அஜித்குமாரின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர்.
மேலும் காவல்துறையினர் வழக்குப்பதிவு செய்து விசாரணை மேற்கொண்டு வந்தனர். காவல்துறையினரின் முதல்கட்ட விசாரணையில் 2019ஆம் ஆண்டு அதே பகுதியை சேர்ந்த சூரியா என்பவரின் கொலை தொடர்பான முன்விரோதத்தில் அஜித்குமாரை மர்ம நபர்கள் கொலை செய்தது தெரியவந்துள்ளது. இந்த கொலை சம்பவம் தொடர்பாக அதே பகுதியை சேர்ந்த பரத் என்பவரை காவல்துறையினர் தீவிரமாக தேடி வருகின்றனர்.