இளம்பெண்ணிடம் நகை பறித்து சென்ற 2 வாலிபர்களை காவல்துறையினர் வலைவீசி தேடி வருகின்றனர்.
திருநெல்வேலி மாவட்டத்தில் உள்ள பாளையங்கோட்டை கே.டி.சி. நகர் பகுதியில் முத்து விஜயன் என்பவர் வசித்து வருகிறார். இவருக்கு பியூலா மனைவி உள்ளார். இந்நிலையில் பியூலா பெருமாள்புரம் ரோட்டில் பஸ் ஏறுவதற்காக நடந்து சென்று கொண்டிருந்தார். அப்போது அந்த வழியாக மோட்டார் சைக்கிளில் வந்த 2 வாலிபர்கள் பியூலா அணிந்திருந்த 5 பவுன் தங்க சங்கிலியை பறித்துக் கொண்டு அங்கிருந்து தப்பி சென்றுள்ளனர்.
இதன் மதிப்பு 1 லட்சம் ஆகும். இதுகுறித்து பியூலா பெருமாள்புரம் காவல்நிலையத்தில் புகார் அளித்துள்ளார். அந்த புகாரின்பேரில் வழக்குப்பதிவு செய்த காவல்துறையினர் அப்பகுதியில் பதிவான சிசிடிவி கேமராவில் பதிவான காட்சிகளை ஆய்வு செய்து விசாரணை நடத்தி வருகின்றனர்.