இசைஞானி இளையராஜாவின் புதிய ஸ்டுடியோவிற்கு நடிகர் ரஜினிகாந்த் சென்றுள்ளார் .
இசைஞானி இளையராஜா சென்னை தி நகரில் ‘இளையராஜா ஸ்டுடியோ’ என்ற பெயரில் ஸ்டூடியோ ஒன்றை கட்டி அதில் இசை பணிகளை மேற்கொண்டு வருகிறார் . அங்கு படங்களின் பாடல், பின்னணி இசை பதிவு பணிகள் உள்ளிட்டவை நடைபெற்று வருகிறது . இந்நிலையில் நேற்று இளையராஜாவின் வீட்டிற்கு வந்த நடிகர் ரஜினிகாந்த் அவருடன் பல விஷயங்கள் உரையாடி இருக்கிறார் . இதன்பின் இளையராஜா புதிய ஸ்டுடியோ கட்டி இருப்பதை கேள்விப்பட்ட ரஜினிகாந்த் அந்த ஸ்டூடியோவிற்கு இளையராஜாவுடன் சென்றுள்ளார் .
ஸ்டூடியோவை சுற்றிப் பார்த்து வியந்த நடிகர் ரஜினிகாந்த் கோவிலுக்குள் வந்தது போன்ற உணர்வு தனக்குள் ஏற்பட்டதாக பாராட்டியுள்ளார் . இந்நிலையில் இன்று நடிகர் ரஜினிகாந்த் மீண்டும் இளையராஜா ஸ்டூடியோவிற்கு சென்று அனைவரையும் ஆச்சரியப்படுத்தியுள்ளார் . சமீபகாலமாக விழாக்கள் பொது நிகழ்ச்சிகளில் கலந்து கொள்வதை தவிர்த்து வரும் ரஜினியின் இந்த வருகை பலரையும் ஆச்சரியப்படுத்தியுள்ளது . மேலும் புதிய ஸ்டூடியோவில் இளையராஜா மற்றும் ரஜினிகாந்த் எடுத்துக்கொண்ட புகைப்படங்கள் வெளியாகி வைரலாகி வருகிறது.