தளபதி 67 திரைப்படம் குறித்த அப்டேட் வெளியாகியுள்ளது.
தமிழ் சினிமாவில் மாநகரம், கைதி, மாஸ்டர், விக்ரம் ஆகிய படங்களை இயக்கி தனக்கென்று ஓர் இடத்தை பிடித்தவர் லோகேஷ் கனகராஜ். இவர் இயக்கத்தில் கடைசியாக வெளியான விக்ரம் படம் நல்ல வரவேற்பை பெற்றது. இதனையடுத்து இயக்குனர் லோகேஷ் கனகராஜ் விஜய் நடிக்கும் 67வது படத்தை இயக்க உள்ளார். மாஸ்டர் படத்தின் வெற்றிக்கு பிறகு தளபதி 67-ல் இந்த கூட்டணி மீண்டும் இணைந்துள்ளது.
இத்திரைப்படத்தின் பூஜை சென்ற 5-ம் தேதி போடப்பட்டது. பூஜையில் எடுக்கப்பட்ட போட்டோக்கள் மற்றும் வீடியோக்கள் எதுவும் வெளியாகவில்லை. படத்தில் குடும்ப தலைவன் எப்படி ஒரு கேங்ஸ்டர் ஆக மாறுகின்றார் என்பதை கருவாகக் கொண்டு உருவாக்க இருப்பதாக சொல்லப்படுகின்றது. இந்த நிலையில் இத்திரைப்படத்தில் கமல், சூர்யா, விஜய் சேதுபதி, பகத் பாஸில், கார்த்தி உள்ளிட்டோர் நடிக்க இருப்பதாக செய்திகள் வெளியாகி இருக்கின்றது. அண்மையில் அளித்த பேட்டியில் லோகேஷ் இது கேங்ஸ்டர் திரைப்படமாக உருவாக இருப்பதாக தெரிவித்திருந்தார். இந்த நிலையில் இந்த தகவல் ரசிகர்கள் மத்தியில் பெருத்த எதிர்பார்ப்பை ஏற்படுத்தி உள்ளது.