நடிகை மேக்னா எலன் நாயகிக்கு முக்கியத்துவம் உள்ள படத்தில் நடித்துள்ளதாக தகவல் வெளியாகி உள்ளது.
மலையாளத்தில் வெளியான ‘சிக்னல்’ என்ற திரைப்படத்தின் மூலம் இயக்குனராக அறிமுகமானவர் தேவகுமார். இவர் தற்போது ‘நான் வேற மாதிரி’ என்ற திரைப்படத்தை இயக்கி வருகிறார். இப்படத்தில் கதாநாயகியாக நடிகை மேக்னா எலன் நடித்துள்ளார்.மேலும் நரேன், மனோ பாலா உள்ளிட்ட பிரபலங்கள் இப்படத்தில் முக்கிய கதாபாத்திரத்தில் நடித்துள்ளனர்.
இந்நிலையில் இப்படத்தின் இயக்குனர் தேவகுமார் சமீபத்தில் அளித்த பேட்டி ஒன்றில் கூறியதாவது, “மலையாளத்தில் வெளியான சிக்னல் திரைப்படம் எனது முதல் படம் ஆகும்.இதை தொடர்ந்து ‘நான் வேற மாதிரி’ திரைப்படம் நான் இயக்கும் இரண்டாவது படம்.
இத்திரைப்படம் கதாநாயகியை மையமாக கொண்டு உருவாக்கப்பட்ட திரைப்படமாகும். இத்திரைப்படத்தின் படப்பிடிப்பு சென்னை, பொள்ளாச்சி மற்றும் பாண்டிச்சேரி ஆகிய இடங்களில் நடந்து முடிந்துள்ளது. தற்போது இறுதிகட்டப் பணிகள் நடைபெற்று வருகிறது. இதை தொடர்ந்து இத்திரைப்படம் கூடிய விரைவில் ரிலீசாக உள்ளது” என்று கூறியுள்ளார்.