அமெரிக்காவில் கொரோனா தொற்று பாதிக்கப்பட்டவர்களின் எண்ணிக்கை 2 லட்சத்தை நெருங்கி வருகின்றது.
கடந்த டிசம்பர் மாதம் சீனாவின் ஹூபேய் மாகாணத்தின் வுகான் நகரில் கண்டுபிடிக்கப்பட்ட கொரோனா வைரஸ் தற்போது உலகின் 198 நாடுகளில் பரவி கதிகலங்க வைத்துள்ளது. இந்த வைரஸ் கொடூர தாக்குதலின் வீரியம் நாளுக்கு நாள் அதிகரித்துக்கொண்டே செல்வதாலும், இதற்கு மருந்து கண்டுபிடிக்க முடியாமல் இருப்பதாலும் உலக நாடுகள் இதனை கட்டுப்படுத்த முடியாமல் திணறி வருகின்றனர்.
நாளுக்கு நாள் பலி எண்ணிக்கையும் , பாதிக்கப்பட்டோரின் எண்ணிக்கையும் அதிகரித்துக் கொண்டே செல்கின்றது. உலகளவில் கொரோனா வைரஸ் தாக்கத்தால் 857,299 பேர் பாதித்துள்ளனர். 177,141 பேர் குணமடைந்த நிலையில் 42,114 பேர் உயிரிழந்துள்ளனர். 638,044 பேர் சிகிச்சை பெற்று வரும் நிலையில் 32,297 பேர் இக்கட்டான நிலையில் இருந்து வருகின்றனர்.
கொரோனா வைரசால் தாக்கத்தால் நேற்று மட்டும் 726 பேரை இழந்து தவிக்கும் அமெரிக்கா கொரோனாவின் தீவிரத்தால் மிரண்டுள்ளது. அமெரிக்காவில் கொரோனா தொற்று 188,280 பேருக்கு உறுதி செய்யப்பட்டு சிகிச்சை பெற்று வரும் நிலையில் 3,883 பேர் உயிரிழந்துள்ளனர்.
இதில் 6,461 குணமடைந்த நிலையில் 177,401 சிகிச்சை பெற்று வருகின்றனர். கொரோனா தொற்று உறுதி செய்யப்பட்ட 3,893 பேரின் உடல்நிலை மிகவும் மோசமாக இருக்கின்றது. அதிகபட்சமாக நியூ யார்க்கில் 75,983 பேரும், நியூ ஜெர்சியில் 18,696 பேரும், கலிபோர்னியாவில் 8,254 பேரும் கொரோனாவால் பாதிக்கப்பட்டுள்ளனர். அமெரிக்காவின் மொத்த உயிரிழப்பு சீனாவை தாண்டியுள்ளது குறிப்பிடத்தக்கது.