நாளை நான் முதல் பள்ளிகள் திறக்க உள்ள நிலையில் பள்ளிக்கல்வித் துறை மாணவர்களுக்கு பல்வேறு விதமான விதிமுறைகளை விதித்து உள்ளது.
கோடை விடுமுறை முடிந்து நாளை முதல் தமிழகத்தில் பள்ளிகள் அனைத்தும் தொடங்க உள்ள நிலையில், பள்ளியின் முதல் நாளே பஸ் பாஸ், புத்தகம் உள்ளிட்டவைகளை மாணவர்களுக்கு உடனடியாக வழங்க கல்வித்துறை உத்தரவிட்டுள்ளது. மேலும் மாணவர்களின் நலனை கருத்தில் கொண்டு சில கட்டுப்பாடுகளை விதித்துள்ளது. அதன்படி,
மாணவிகள் இறுக்கமான மேலாடைகள் மற்றும் லெக்கின்ஸ் போன்றவற்றை அணிந்து பள்ளிக்கு வரக்கூடாது எனவும், மாணவர்கள் தலையில் நிறங்கள் பூசக் கூடாது, போலீஸ் கட்டிங் முறை மட்டுமே பயன்படுத்தி முடியை திருத்திக்கொள்ள வேண்டும் , வித்தியாசமான முறையில் முடிகளை வெட்ட கூடாது, லோ- ஹிப் என்ற பெயரில் இடுப்புக்கு கீழ் ஆடை அணியக்கூடாது, போன்ற விதிமுறைகளை விதித்துள்ளனர். மேலும் பிறந்தநாளே என்றாலும் பள்ளி சீருடையில் தான் பள்ளிக்கு வர வேண்டும் என்றும் அறிவுறுத்தப்பட்டுள்ளது.