இந்தியாவில் உள்நாட்டு நீர் வழி இணைப்புகளையும், சுற்றுலாத் துறையையும் வளர்ப்பதற்காக அரசு, நீரின் மீது ஊர்ந்து செல்லும் விமான சேவைகளை அறிமுகம் செய்வதற்கான நடவடிக்கைகளை எடுத்து வருகிறது.
‘சீ பிளேன்’ எனப்படும் இந்த விமானங்களுக்கு விமான நிலையங்களும், ஓடுபாதையும் தேவைப்படாது. அவை மேலே ஏறுவதற்காகவும் இறங்குவதற்காகவும் நிர்நிலைகளைப் பயன்படுத்தலாம். விரைவான, சிரமமற்ற பயணங்களுக்கு வசதி தரும் இந்த ‘சீ பிளேன்’ சேவைகள் இந்தியப் பயணத்துறையில் நல்ல தாக்கத்தை ஏற்படுத்தலாம்.
இவ்வாறு துறைமுகம், கப்பல் மற்றும் நீர் வளத்துறைகளுக்கான அமைச்சகம் தெரிவித்தது. கடந்த அக்டோபரில் அகமதாபாத்தில் பிரதமர் நரேந்திர மோடி கேவட்யாவுக்கும், சபர்பமதி ஆற்றுக்கும் இடையே ‘சீ பிளேன்’ சேவையைத் தொடங்கி வைத்தார். இந்த நிகழ்வு இதுபோன்ற விமானச் சேவைகளுக்கானத் திட்டத்திற்கு உந்துதல் அளித்துள்ளது.