புதுச்சேரியில் இன்று ஒரு நாள் மட்டும் 370 பேருக்கு தொற்று உறுதி செய்யப்பட்டு இருப்பதாக அம்மாநில அரசு தெரிவித்துள்ளது.
நாடு முழுவதும் அதிவேகமாக பரவி வரும் கொரோனா தொற்றால் நாளுக்கு நாள் பாதிப்பு எண்ணிக்கை அதிகரித்துக்கொண்டே இருக்கிறது. இன்று மத்திய சுகாதாரத்துறை வெளியிட்ட தகவலின்படி இந்தியாவில் கொரோனா பாதிப்பு 27 லட்சத்தை தாண்டி உள்ளது. மொத்தம் 27,02,743 பேர் கொரோனாவால் பாதிக்கப்பட்டு இருக்கின்றனர். கடந்த 24 மணி நேரத்தில் 55,079 பேருக்கு கொரோனா தொற்று உறுதி செய்யப்பட்டுள்ளது. 876 பேர் உயிரிழந்துள்ளனர். இதன்மூலம் கொரோனாவால் உயிரிழந்தோர் எண்ணிக்கை 51,797 ஆக உயர்ந்துள்ளது. இதுவரை 19,77,780 பேர் கொரோனா பாதிப்பில் இருந்து குணமடைந்துள்ளனர்.
நாடு முழுவதிலும் உள்ள பல்வேறு மருத்துவமனைகளில் 6,73,166 பேர் சிகிச்சை பெற்றுவருகின்றனர். உயிரிழப்பு 1.9 சதவீதமாகவும், குணமடைந்தோர் விகிதம் 73.2 சதவீதமாகவும் உள்ளது குறிப்பிடத்தக்கது. இந்த நிலையில் புதுச்சேரிி மாநிலத்தில் இன்று மேலும் 370 பேருக்கு கொரோனா உறுதி செய்யப்பட்டுள்ளதால் பாதிக்கப்பட்டோர் எண்ணிக்கை 8,396 ஆக அதிகரித்துள்ளது. புதுச்சேரியில் ஒரே நாளில் கொரோனாவுக்கு 9 பேர் உயிரிழந்ததால் பலி எண்ணிக்கை 123 ஆக உயர்ந்துள்ளது.