தமிழ் மற்றும் மலையாள சினிமாவில் பிரபலமான நடிகையாக இருப்பவர் ஐஸ்வர்யா லட்சுமி. இவர் மணிரத்தினம் இயக்கத்தில் வெளியான பொன்னியின் செல்வன் திரைப்படத்தில் பூங்குழலி கதாபாத்திரத்தில் நடித்து அசத்தியிருப்பார். இவர் நடிப்பில் அண்மையில் கட்டா குஸ்தி திரைப்படம் ரிலீஸ் ஆகி ரசிகர்கள் மத்தியில் நல்ல வரவேற்பை பெற்று வருகிறது. இந்நிலையில் 2022-ம் ஆண்டில் அனைத்து முன்னணி நடிகைகளின் பின்னுக்கு தள்ளிவிட்டு ஐஸ்வர்யா லட்சுமி முதலிடத்தை பிடித்துள்ளார். அதாவது 2022-ம் ஆண்டில் அதிக படங்களில் நடித்தவர் என்ற பெருமையை ஐஸ்வர்யா லட்சுமி பிடித்துள்ளார்.
கடந்த 5 வருடங்களாக ஒரு நடிகையின் 9 திரைப்படங்கள் ரிலீஸ் ஆகவில்லை என்று கூறுகிறார்கள். ஆனால் நடிகை ஐஸ்வர்யா லட்சுமி ஒரே வருடத்தில் 9 படங்களில் நடித்துள்ளார் என்பது சாதனை. இந்நிலையில் நடபாண்டில் ஐஸ்வர்யா லட்சுமி நடிப்பில் தமிழில் புத்தம் புது காலை விடியாதா, பொன்னியின் செல்வன், கேப்டன், கட்டா குஸ்தி, மலையாளத்தில் அர்ச்சனா நாட் அவுட், தெலுங்கில் அம்மு மற்றும் கோட்சே ஆகிய படங்கள் ரிலீசானது. இதனையடுத்து ஐஸ்வர்யா லட்சுமி தயாரிப்பில் கார்கி மற்றும் குமாரி ஆகிய படங்கள் ரிலீசானது. மேலும் நடிகை ஐஸ்வர்யா லட்சுமி தற்போது தமிழில் பொன்னியின் செல்வன் பார்ட் 2-வில் நடித்து வருவதோடு, மலையாளத்தில் 2 படங்களில் நடித்து வருகிறார்.