சொந்த மகளை சீரழித்த கொடூர தந்தை..!!

உ.பியில் 8 வயதான சொந்த மகளையே தந்தை பாலியல் பலாத்காரம் செய்த சம்பவம் அதிர்ச்சியை ஏற்படுத்தியுள்ளது.. 

உத்தரப்பிரதேச மாநிலம் ராம்பூர் மாவட்டத்தில் மிலக் தெஹ்ஸில் என்ற கிராமத்தில், 8 வயது சிறுமியை, அதாவது தன்னுடைய சொந்த மகளை தந்தை பாலியல் பலாத்காரம் செய்துள்ளார். இந்த கொடூர சம்பவம் கடந்த ஜூன் 14 ஆம் தேதி அரங்கேறியுள்ளது..

சம்பவம் நடந்த அன்று அந்தச் சிறுமியின் தாய், அவரது பெற்றோரின் வீட்டுக்குச் சென்றிருந்தார்.. பின்னர் வீட்டிற்குத் திரும்பி வந்தபோது அக்கம் பக்கத்தினர் அவரிடம் இந்த கொடூர சம்பவம் பற்றி தெரிவித்துள்ளனர். உடனே, அவர் தனது கணவன் மீது போலீசில் புகாரளித்தார்..

இந்நிலையில் போலீசார் அவரை நேற்று முன் தினம் (ஜூன் 16) கைது செய்தனர்.. பின்னர் அச்சிறுமி மருத்துவ பரிசோதனைக்காக ராம்பூர் மாவட்ட மருத்துவமனைக்கு அனுப்பப்பட்டார். இந்த சம்பவம் குறித்து மிலக் வட்ட அலுவலர் தரம் சிங் கூறியதாவது, ‘குற்றம் சாட்டப்பட்ட நபருக்கு 35 வயதாகிறது.. அவர் தினசரி கூலி வேலை செய்து வருகிறார்..

மருத்துவப் பரிசோதனையில் அச்சிறுமி பலாத்காரம் செய்யப்பட்டது உறுதியானது. அதனால் அவர் போஸ்கோ சட்டத்தின் கீழ் வழக்குப்பதிவு செய்யப்பட்டு சிறையிலடைக்கப்பட்டுள்ளார்’ எனத் தெரிவித்தார். சொந்த மகளையே தந்தை பாலியல் பலாத்காரம் செய்த சம்பவம் அதிர்ச்சியை ஏற்படுத்தியுள்ளது.